डीजेला फाटा; पारंपरिक सनई वाद्याच्या  सुरांत शारदा  देवीला निरोप!

स्वराज्य नवयुवक शारदा मंडळ, खैरगाव  (चांदसुर्ला) यांचा संस्कृती जपणारा उपक्रम चर्चेत.

खैरगाव (चांदसुर्ला) :

चंद्रपूर जिल्हा प्रतिनिधी ✍🏻 श्री. बंडु पांडुरंग पहानपटे

आधुनिक काळात सण-उत्सवांमध्ये डीजेचा वापर वाढत असताना,  पारंपरिक  वाद्यसंस्कृतीचे महत्त्व जपण्याचा संदेश स्वराज्य नवयुवक शारदा मंडळ, खैरगाव (चांदसुर्ला) यांनी दिला आहे.  शारदा देवीच्या विसर्जन मिरवणुकीत डीजेचा वापर न  करता पारंपरिक सनई वाद्याला प्राधान्य देण्याचा मंडळाचा उपक्रम लक्षवेधी ठरत आहे.

सनईच्या मंगलमय सुरांत आणि पारंपरिक  वाद्यांच्या  वातावरणात निघणारी विसर्जन मिरवणूक ही आपल्या  संस्कृतीची ओळख जपणारी ठरते. सण-उत्सवांमध्ये आधुनिकतेसोबतच पारंपरिक कलांना आणि वाद्यांना स्थान मिळणे आवश्यक आहे. याच विचारातून  पारंपरिक सनई वाद्याचा वापर करण्याचा मंडळाचा निर्णय इतर सार्वजनिक उत्सव मंडळांसाठीही प्रेरणादायी ठरू  शकतो.

डीजेच्या मोठ्या आवाजामुळे होणाऱ्या  ध्वनिप्रदूषणा बाबत समाजात जागरूकता निर्माण करण्याची गरज  असताना, पारंपरिक वाद्यांचा पर्याय निवडणे हा पर्यावरणपूरक आणि सांस्कृतिक दृष्टिकोनातून महत्त्वाचा संदेश  आहे. उत्सवाचा आनंद साजरा करताना ध्वनीमर्यादांचे  पालन करणे आणि नागरिकांच्या आरोग्याची काळजी घेणेही तितकेच आवश्यक आहे.

परंपरेचा सन्मान, संस्कृतीचे जतन आणि  भक्तिमय  वातावरणाची निर्मिती, या विचारांना प्राधान्य देणारा  स्वराज्य नवयुवक शारदा मंडळ, खैरगाव (चांदसुर्ला)  यांचा हा उपक्रम समाजासमोर एक सकारात्मक उदाहरण ठेवणारा आहे.

✨ परंपरा जपूया, संस्कृती वाढवूया!

🔱श्री शारदा देवीचा जयघोष; पारंपरिक वाद्यांचा  सन्मान! 🔱